В этот день:
Русская Православная Церковь отмечает память святых
Мученицы Ариадны (II).
Мучеников Бидзины, Шалвы и Элизбара, князей Ксанских (1660; Груз.)
Преподобной Евфросинии Суздальской, в миру Феодулии (прославление 1698).
Преподобного Илариона Оптинского (1873).
Мученика Сергия Ведерникова (1937).
Молитвы:
Светом Божественным просветився, всеблаженне,/ просвещаеши ны,/ любовию поющия твое честное и славное/ и святое, отче, преставление,/ иерарше Евмение,// моля непрестанно о всех нас.
В тебе, мати, известно спасеся еже по образу, приимши бо Крест, последовала еси Христу и, деющи, учила еси презирати убо плоть, преходит бо: прилежати же о души вещи безсмертней. Темже и со Ангелы срадуется,. преподобная Евфросиние, дух твой.
Святая твоя память Суждальскую страну веселит, верных же вся созывает во всечестный храм твой, идеже ныне совершается всеславная память твоя, Бвфросиние преподобная: моли Христа Бога, спастися душам нашим.
Девства чистый сосуд елеем молитвы и любве исполнивши, неугасимый светильник в сердце своем возжгла еси, преподобная, с нимже бодренно в сретение Небеснаго Жениха изшедши, в чертог Того пресветлый прията была еси: идеже ныне водворялся с лики Ангелов и святых, молися, молимся, Христу Богу, части дев юродивых избавится нам.
Женише мой Сладчайший, Христу взываше прекрасная Евфросиние, ибо сладость любве Твоея душу ми надежею впери и красота милости Твоея сердце ми услади, сопотрудитися страданий по Тебе имея на Тя надежду, да достойну мя чертога с мудрыми девами и ликовствовати у Тебе причтимся. Темже, преподобная, почитающе подвиг трудов твоих, молим тя: моли незазритися и нам чертогу двери.
Девства чистотою возмогла еси свещу своего разума/ и просветила еси душевную чистоту,/ лощением же и бдением плоть поработила еси духу,/ темже, преподобная Евфросиние,/ почитающе подвиги трудов твоих, молимся,/ моли Христа Бога спастися душам нашим.
Яко Пресветлая Звездо, просия Божественными чудесы святый Твой образ, Целительнице, подаждь убо и нам, Богородице Марие, исцеление недугов душевных и телесных, спасение и велию милость.
Любовию, Чистая Дево, Твою святую икону почитающим/ и Божию Тя истинную Матерь прославляющим/ и верно поклоняющимтися/ Целительница явися,/ всякое зло и болезни от сих удаляющая,/ яко Всемогущая.
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву, и потщися на умоление, предстательствующи присно, Богородице, чтущих Тя.
Комментариев нет:
Отправить комментарий