В этот день:
Русская Православная Церковь отмечает память святых:
Святого мученика Ипполита и еже с ним (258)
Благоверной Евдокии, императрицы, супруги Феодосия Юнейшего (460)
Прп. Серида, игумена Газского. (ок. 543)
Прп. Радегунды из Пуатье (587; Галл)
Преподобного Максима Исповедника (662)
Преподобного Вегберта, Фритцларского (746).
Преподобной императрицы Ирины (в мон. Ксении). (1134)
Обретение мощей блж. Максима, Христа ради юродивого, Московского (ок. 1547).
Святителя Тихона, еп. Воронежского, Задонского чудотворца (1783)
Священномучеников Серафима, еп. Дмитровского (1937)
Священномученика Иоанна пресвитера, (1918).
Священномученика Иоасафа пресвитера, (1918).
Священномученика Константина пресвитера, (1918).
Священномученика Николая, (1937).
Священномученика Иакова пресвитер, (1937).
Священномученика Алексия диакона, (1937).
Мч. Василия (1942).
Минская икона Пресвятой Богородицы (1500),
Страстная икона Пресвятой Богородицы (1641)
«Умягчение злых сердец» («Семистрельная») икон Божией Матери (1830)
Храни вас Господь, Матерь Божия и все святые, их же память мы сегодня отмечаем!
Молитвы
От юности возлюбил еси Христа, блаженне,/ образ всем был еси словом, житием, любовию,/ духом, верою, чистотою и смирением,/ темже и вселился еси в Небесныя обители,/ идеже предстоя Престолу Пресвятыя Троицы,/ моли, святителю Тихоне,/ спастися душам нашим.
Православия наставниче, благочестия учителю,/ покаяния проповедниче, Златоустаго ревнителю,/ пастырю предобрый,/ новый России светильниче и чудотворче,/ паству твою добре упасл еси/ и писаньми твоими вся ны наставил еси,/ темже венцем нетления/ украшен от Пастыреначальника,/ моли Его спастися душам нашим.
Апостолов преемниче,/ святителей украшение,/ Православный Церкве учителю,/ Владьще всех молися/ мир вселенней даровати/ и душам нашим велию милость.
Терпением своим велию мзду на Небесех стяжал еси,/ в буйство волею Христа ради преложися/ и на Небо мысленное, яко на колеснице огненней,/ возшел еси, премудре Максиме./ Днесь мы ныне чтим честных мощей твоих обретение/ вкупе с благочестивыми и верными людьми царствующаго града Москвы,/ да вси вопием ти:/ моли Христа Бога/ спастися душам нашим.
Верою и любовию твое честное обретение празднующих, блаженне,/ сохрани и соблюди от всякий злобы и соблазна змиина,/ имаши бо дерзновение ко Владыце всех Христу,/ Егоже моли спасти люди, моляшиятися,/ да вси вопием ти:/ радуйся, отче Максиме, царствующему граду Москве похвало.
Православия наставниче,/ благочестия учителю и чистоты,/ вселенныя светильниче,/ монашествующих Богодухновенное удобрение,/ Максиме премудре,/ ученьми твоими вся просветил еси,/ цевнице духовная,// моли Христа Бога спастися душам нашим.
Свет Трисиянный, всельшийся в душу твою,/ сосуд избран показа тя, всеблаженне,/ являюща Божественная концем,/ неудобопостижных разумений ты сказуяй, блаженне,/ и Троицу всем, Максиме, возпроповедуяй ясно,// Пресущную, Безначальную.
На древе крестнем явилася еси, Пренепорочная Отроковице, от Царьграда и Киева / Богоспасаемому граду Минску милость показавши. / Просвети нас, грешных, сиянием Своим, / яви, яко присно, силу Свою, / спаси нас предстательством Своим / и избавляй от навет вражиих, / Тя бо Необоримую Стену и едину Надежду имамы.
Показать ещё молитвы
Днесь возсия неизреченно царствующему граду нашему Москве/ икона Богоматере,/ и, яко светозарным солнцем, пришествием тоя озарися весь мир,/ Небесныя силы и души праведных мысленно торжествуют, радующеся,/ мы же, на ню взирающе, к Богородице со слезами вопием:/ о Всемилостивая Госпоже, Владычице Богородице,/ молися из Тебе воплощенному Христу, Богу нашему,/ да подаст мир и здравие всем Христианом/ по велицей и неизреченней Своей милости.
Животворящей Премудрости источник чудес/ честный образ Твой, Богородице Дево,/ молящеся, к нему любовию усердно притекающе, светло празднуем/ и из глубины души вопием Ти:/ спаси, Владычице, верою покланяющихея цельбоносному Твоему святому образу,/ тем, благодаряще, Тя величаем, яко Матерь Божию,/ спаси архиереи православный,/ и сохрани землю Русскую,/ и вся люди, иже Тебе чтущия, соблюди,/ да хвалебныя Ти дары, грешнии, приносим, Благодатная:/ радуйся, Дево, христиан похвало.
Благодать прияхом нетления,/ еже даровала еси нам, спасительнаго Твоего целения/ чудотворным Твоим образом честным, Богородице Дево,/ темже вопием Ти и с радоствдо зовем, Госпоже Царице,/ молимтися умильно, грешнии, со слезами глаголюще:/ о Пресвятая Владычице,/ скорое нам яви заступление и помощь,/ спаси ны от супостат наших/ и от всякия скорби соблюди,/ землю нашу миром огради,/ и вся люди Твоя покрый,/ и соблюди на Тя уповающия,/ потщися избавити,/ да не погибнем зле, раби Твои,/ но да зовем Ти:/ радуйся, Невесто Неневестная.
Умягчи наша злая сердца, Богородице,/ и напасти ненавидящих нас угаси,/ и всякую тесноту души нашея разреши,/ на Твой бо святый образ взирающе,/ Твоим страданием и милосердием о нас умиляемся/ и раны Твоя лобызаем,/ стрел же наших, Тя терзающих, ужасаемся./ Не даждь нам, Мати Благосердая,/ в жестокосердии нашем и от жестокосердия ближних погибнути,/ Ты бо еси воистину злых сердец умягчение.
Благодатию Твоею, Владычице,/ умягчи сердца злодеев,/ низпосли благодетелей,/ соблюдающи их от всякаго зла,/ благомолящимся Ти усердно/ пред честными иконами Твоими.
